Unda Oʻzbekiston va Sloveniya oliy audit institutlari oʻrtasida hamkorlik memorandumining imzolangani, davlat auditini xalqaro standartlar asosida rivojlantirish, raqamli transformatsiya, sunʼiy intellekt va masofaviy audit tizimlarini joriy etish boʻyicha amalga oshirilayotgan islohotlar yuqori baholangani qayd etilgan.

Shuningdek, Sloveniya Hisob sudi Prezidenti Jana Ahčin tomonidan Oʻzbekiston Hisob palatasi vakillari 2026-yil sentyabr oyida Sloveniyada boʻlib oʻtadigan V4+2 guruhi oliy audit institutlari yillik yigʻilishida kuzatuvchi sifatida ishtirok etishga taklif etilgani maʼlum qilingan.

Maqolada, shuningdek, Sloveniya Hisob sudi delegatsiyasining Oʻzbekiston Respublikasi Senati hamda Samarqand viloyati rahbariyati bilan oʻtkazgan uchrashuvlari, ikki mamlakat oʻrtasidagi hamkorlikni yanada rivojlantirish va davlat auditi sohasida ilgʻor tajriba almashishni kengaytirish masalalari ham yoritilgan.