Unda, audit boshqaruv tizimi bilan bog‘liq 4 ta dolzarb mavzular bo‘yicha o‘quv treninglar tashkil etildi. Treningda Turkiya Hisob sudining tajribali auditorlari tomonidan moliyaviy hamda muvofiqlik auditlari bo‘yicha amaliy mashg‘ulotlar o‘tkazildi.

Turkiya Hisob sudining “VERA” ma'lumotlarni tahlil qilish elektron axborot tizimi hamda ushbu dastur orqali risklarni aniqlash va auditda sun'iy intellekt yondashuvi bo‘yicha Turkiya tajribasi o‘rganildi.

Shuningdek, o‘quv trening davomida davlat-xususiy sheriklik asosida amalga oshiriladigan yirik loyihalarni (pullik avtomobil' yo‘llari, tibbiyot muassasalari, ko‘priklar hamda boshqa ob'ektlar) moliyalashtirish hamda unda davlatning ishtiroki, ushbu ob'ektlarni auditdan o‘tkazish tartiblari bo‘yicha nazariy va amaliy tushunchalar berildi.

Shu bilan birga, har bir ma'ruzadan so‘ng audit jarayonlarini tashkil etish, ularni o‘tkazish va hisobotlar tayyorlash bo‘yicha bir qator tavsiyalar hamda audit jarayonida yuzaga keladigan qiyinchiliklarni bartaraf etish masalalari bo‘yicha ilmiy-amaliy muhokamalar o‘tkazildi.

O‘quv trening yakuni bo‘yicha O‘zbekiston Hisob palatasi auditorlariga sertifikatlar topshirildi. Kelgusida ham O‘zbekiston-Turkiya Oliy audit organlari o‘rtasida tajriba almashish hamda mutaxassislar malakasini oshirish bo‘yicha tizimli hamkorlik davom ettirilishiga kelishib olindi.