Vakillarning ta’kidlashicha, davlat boshqaruvi tizimi shiddat bilan raqamlashayotgan bugungi davrda an’anaviy nazorat usullari o‘z dolzarbligini yo‘qotmoqda.

Innovatsion tahlil mexanizmlari va sun’iy intellekt algoritmlariga o‘tish esa audit sifati hamda shaffofligini yangi bosqichga olib chiquvchi yagona to‘g‘ri yo‘ldir.

Konferensiyada Pokiston Oliy audit organi vakillari o‘zlarining muvaffaqiyatli tajribalari bilan o‘rtoqlashdilar.

Pokistonlik mutaxassislar davlat sektorida sun’iy intellektdan hukumat qarorlarini qabul qilishni tezlashtirish hamda undan mas’uliyat bilan foydalanish zarurligini ta’kidladilar.

Mazkur xalqaro anjuman O‘zbekiston Respublikasi Prezidenti tomonidan davlat moliyaviy nazorati tizimini modernizatsiya qilish bo‘yicha belgilab berilgan strategik vazifalarning amaliy ijrosi hisoblanadi.

Xorijlik hamkasblar taqdimotda tadbirning asosiy missiyasiga to‘xtalib, u faqatgina global tajriba almashish maydoni emas, balki quyidagi maqsadlarga xizmat qiluvchi muhim platforma ekanini qayd etdilar:

-davlat auditida Big Data va SI imkoniyatlaridan maksimal foydalanishni ta’minlaydi;

-yosh auditorlarning raqamli tahlil va zamonaviy IT-ko‘nikmalarini shakllantiradi;

-ASOSAI doirasida a’zo davlatlarning o‘zaro integratsiyasini va yagona nazorat standartlarini yanada mustahkamlaydi.

Shuningdek, mutaxassislar axborot texnologiyalari auditida sun’iy intellekt va Big Data texnologiyalaridan foydalanishda mazkur xalqaro konferensiya Oliy audit organlari duch kelayotgan muammolarni hal qilishda muhim maydon ekanligini hamda uni doimiy o‘tkazib turish zarurligini bildirishdi.

Pokistonlik mutaxassislar tadbir tashkilotchilariga chuqur minnatdorlik izhor etgan holda barcha Oliy audit organlari mutaxassislariga kelajakda omadlar tilab qolishdi.