Vatan tinchligi va osoyishtaligini ta’minlash, xalqimiz xavfsizligi va davlatimiz mustaqilligini himoya qilish yo‘lida fidokorona xizmat qilayotgan har bir harbiy xizmatchi, huquq-tartibot organlari xodimi va barcha himoyachilarimizga chuqur minnatdorlik bildiramiz. Sizlarning mardonavor xizmatlaringiz, yuksak mas’uliyatingiz va Vatanga sadoqatingiz yurtimiz tinch hayotining mustahkam kafolatidir.

Bugungi kunda mamlakatimiz Qurolli Kuchlari salohiyatini mustahkamlash, harbiy xizmatchilar uchun munosib sharoitlar yaratish va yosh avlodni vatanparvarlik ruhida tarbiyalash borasida keng ko‘lamli ishlar amalga oshirilmoqda. Ushbu jarayonlarda Sizlarning fidoyilikingiz va sadoqatingiz alohida e’tirofga loyiqdir.

O‘zbekiston Respublikasi Hisob palatasi jamoasi Vatan ravnaqi va davlatimiz barqarorligi yo‘lida amalga oshirilayotgan ezgu ishlarni har tomonlama qo‘llab-quvvatlashga, o‘z faoliyati orqali mamlakat taraqqiyotiga munosib hissa qo‘shishda davom etadi.

Ushbu qutlug‘ kunda Sizlarga mustahkam sog‘liq, oilaviy baxt, xizmat faoliyatingizda omad va yangi yutuqlar tilaymiz. Vatanimiz osmoni doimo musaffo, yurtimiz tinch bo‘lsin!

Vatan himoyachilari kuni muborak bo‘lsin!

O‘zbekiston Respublikasi Hisob palatasi jamoasi