Unda 140 nafar vazirlik va idoralarning ichki audit xizmati rahbar va xodimlari ishtirok etdi.

Tadbirda Hisob palatasi raisi o‘rinbosarlari A. Allaberganov va S. Mirzayev davlat budjeti mablag‘larining maqsadli va samarali ishlatilishini ta’minlash hamda davlat tashkilotlari samaradorligini oshirish masalalariga to‘xtalib o‘tdi.

Seminarda, shuningdek, Hisob palatasi va Iqtisodiyot va moliya vazirligining mas’ul xodimlari tomonidan auditning xalqaro standartlari xususiyatlari, risklarni baholash asosida auditni rejalashtirish, audit natijalari bo‘yicha takliflar tayyorlash xususida tematik taqdimotlar qilinib, tinglovchilarga ma’lumotlar berildi.

Seminar interaktiv muloqot formatida tashkil etildi.

“Davlat auditi” dasturidan foydalanish borasida vazirlik va idoralarda yuzaga kelayotgan muammolar bo‘yicha tomonlarni qiziqtirgan savol va amaliy takliflar eshitildi.

Hisob palatasi mas’ul xodimlari tomonidan mavjud muammolarning yechimlari yuzasidan tegishli tavsiya va ko‘rsatmalar berildi.