Ushbu sana — Vatanimiz ozodligi va tinchligi yo‘lida jonini fido qilgan ajdodlarimizning porloq xotirasini yod etish, bugungi osoyishta hayotimiz uchun fidokorona xizmat qilgan insonlarni e’zozlash va qadrlash kunidir. Bu kun har birimizni o‘tmishga nazar tashlab, ajdodlarimizning jasorati, sabr-toqati va mardligini chuqur his etishga chorlaydi.

Yurtimizda inson qadrini ulug‘lash, keksalarimizga hurmat ko‘rsatish, ularning hayotiy tajribasi va mehnatini e’zozlash ezgu an’ana sifatida davom etmoqda. Ayniqsa, urush va mehnat faxriylari, nuroniylarimizga ko‘rsatilayotgan e’tibor va g‘amxo‘rlik jamiyatimizda mehr-oqibat va bag‘rikenglik muhitini mustahkamlashga xizmat qilmoqda.

Ajdodlarimizning jasorati va muqaddas xotirasi har doim yuksak qadrlanadi. Ular jang maydonida va maydon ortida g‘alabaga o‘z hissasini qo‘shgan.

Shuningdek, urushdan keyingi yillarda mamlakat farovonligini tiklashga xizmat qilganlar. Ular bugungi avlod uchun axloqiy namuna va mustahkam ma’naviy poydevor hisoblanadi.

Hisob palatasi jamoasi mamlakatimiz taraqqiyoti, xalqimiz farovonligi hamda davlat moliyaviy resurslaridan oqilona va samarali foydalanishni ta’minlash yo‘lida o‘z zimmasiga yuklatilgan vazifalarni sidqidildan bajarishda davom etadi.

Ushbu qutlug‘ kunda Sizlarga mustahkam sog‘liq, oilaviy farovonlik, xonadonlaringizga tinchlik va fayzu baraka tilaymiz. Yurtimiz tinch, osmonimiz musaffo bo‘lsin!

Xotira va qadrlash kuni muborak bo‘lsin!

O‘zbekiston Respublikasi Hisob palatasi jamoasi