Bosh Qonunimiz mustaqillik yillarida davlat boshqaruvini modernizatsiya qilish, inson huquq va erkinliklarini yuksak qadrlash, kuchli fuqarolik jamiyatini shakllantirish hamda iqtisodiy islohotlarni izchil amalga oshirishda muhim yo‘nalish bo‘lib xizmat qilib kelmoqda.

Yangi O‘zbekiston Konstitutsiyasidagi “Inson – jamiyat – davlat” tamoyili bugun barcha sohalarda adolat, xalqparvarlik va ochiqlik tamoyillari qaror topishining bosh mezoniga aylangan.

O‘zbekiston Respublikasi Hisob palatasi ham Konstitutsiyamizda belgilangan vazifalar hamda demokratik tamoyillar asosida davlat moliyaviy nazoratini takomillashtirish, byudjet mablag‘larining maqsadli, oqilona va samarali sarflanishini taʼminlash yo‘lida izchil faoliyat yuritmoqda.

Bizning asosiy maqsadimiz — xalqimiz manfaatlariga xizmat qiladigan samarali va masʼuliyatli davlat moliyaviy boshqaruvini yaratishga hissa qo‘shishdir.

Ushbu qutlug‘ sana munosabati bilan Sizlarga mustahkam sog‘liq, xonadonlaringizga tinchlik va fayzu baraka, Vatanimiz ravnaqi yo‘lidagi orzu-intilishlaringizga ulkan muvaffaqiyatlar tilaymiz.

O‘zbekistonimiz tinch, farovon va buyuk kelajak sari dadil odimlayversin!

Hurmat bilan,

O‘zbekiston Respublikasi Hisob palatasi jamoasi