Maʼlumot o‘rnida: Rossiya Federatsiyasi Hisob palatasi – Konstitutsiyaga muvofiq tuzilgan Federal Majlis (Parlament)ga hisobdor bo‘lgan davlatning Oliy audit organi. Asosiy vazifasi – federal byudjet mablag‘laridan maqsadli va samarali foydalanish ustidan nazorat qilish.

Shu munosabat bilan, Rossiya Federatsiyasi Hisob palatasining kengaytirilgan yig‘ilishi bo‘lib o‘tdi. Yig‘ilishda ushbu idora tomonidan 2024 yil davomida amalga oshirilgan audit tadbirlari va ularning natijalari yuzasidan maʼlumot berildi.

Moskvaga tashrif davomida S. Mirzayevning Rossiya Federatsiyasi Hisob palatasi raisi o‘rinbosari G. Izotova bilan ikki tomonlama amaliy uchrashuvi o‘tkazaldi. Uchrashuvda tomonlar idoralararo hamkorlikning asosiy natijalarini muhokama qilib, kelgusidagi hamkorlikning ustuvor yo‘nalishlarini belgilab oldilar.

Shu bilan birga, O‘zbekiston Respublikasi Hisob palatasi delegatsiyasining MDH ga aʼzo mamlakatlar Oliy audit organlari delegatsiyalari rahbarlari bilan uchrashuvlari kun tartibidan o‘rin oldi.

Xususan, Qozog‘iston, Qirg‘iziston, Ozarbayjon va Belarus Oliy audit organlari bilan ikki tomonlaman va xalqaro tuzilmalar (INTOSAI, AZOSAI, EKOSAI va MDH) doirasidagi hamkorlik yuzasidan muhokamalar bo‘lib o‘tdi. 

Tomonlar kadrlar salohiyatini oshirish, xalqaro audit standartlarini joriy qilish, qo‘shma audit loyihalarida ishtirok etish, o‘rta muddatli strategiyani ishlab chiqish jarayonida tajriba almashish bo‘yicha kelishuvlarga erishdilar. 

Hamkorlar kelajakda ham o‘zaro muloqotni jadallashtirishga kelishib oldilar.