Tashrifdan ko‘zlangan maqsad – ikki davlat Oliy audit organlari o‘rtasidagi o‘zaro munosabatlarni mustahkamlash hamda tashqi audit sohasida tajriba almashish.

Uchrashuv davomida ikki tomon vakillari maqsadli mavzularda taqdimotlar o‘tkazdi. Taqdimotlarda dolzarb bo‘lgan auditning tematik yo‘nalishlariga eʼtibor qaratildi. Xususan, faoliyatni raqamlashtirish, risk tahlillarda sunʼiy intellektni qo‘llanishi, audit metodologiyalarini takomillashtirish, xalqaro audit standartlarini joriy qilish bo‘yicha fikr almashildi.

Shu bilan birga, Latviya Respublikasi Davlat audit idorasi bilan hamkorlik aloqalarini mustahkamlashga qaratilgan tomonlar o‘rtasida Memorandum imzolandi.

Ushbu Memorandum doirasida ikki mamlakat Oliy audit organlari o‘rtasidagi o‘zaro manfaatli hamkorlikni rivojlantirish, tashqi audit metodologiyalari, axborot texnologiyalari va innovatsion yechimlar sohasida tajriba almashish, shuningdek, kadrlar salohiyatini oshirish va kasbiy rivojlanishni rag‘batlantirish bo‘yicha kelishuvlar nazarda tutilgan.