Bu yil O‘zbekiston kasaba uyushmalari harakatining 120 yilligi nishonlanayotgani barchamiz uchun ulkan ramziy ma'noga ega.

So‘nggi yillarda Davlatimiz Rahbari tomonidan amalga oshirilayotgan islohotlar natijasida yurtimiz kasaba uyushmalari haqiqiy ommaviy fuqarolik institutiga aylandi va halqimiz orasida shuhrat qozondi.

Bugun kasaba uyushmalarimiz o‘z saflarida 8 millionga yaqin a'zoni birlashtirdi. Bu ulkan yutuqdir! Ular mehnatkashlarimizning huquq va manfaatlarni himoya qilish, tenglik va adolat tamoyillarini keng targ‘ib qilish yo‘lida barchamizga o‘rnak bo‘lib kelmoqda.

Qolaversa, Yangi O‘zbekistonning kasaba uyushmalari ijtimoiy dasturlarimizni amalga oshirish, yoshlar bandligini ta'minlash, muhtarama ayollarimiz manfaatlarini himoya qilishda ulkan jonbozlik ko‘rsatib kelmoqda. 

Mehnat munosabatlarini takomillashtirishda kasaba uyushmalari davlat idoralari bilan samarali hamkorlik qilib kelayotganining barchamiz guvohimiz. 

Hurmatli Hamyurtlar!

Siz azizlarni yana bir bor bugungi quvonchli kun – Kasaba uyushmalari kuni bilan tabriklaymiz. Sizlarga mustahkam sihat-salomatlik, xonadonlaringizga fayzu baraka, sharafli mehnatlaringizga yangi yutuqlar tilaymiz.

Hurmat bilan,

Hisob palatasi jamoasi