Hisob palatasida joriy yilning 29 yanvar' kuni O‘zbekiston Respublikasi Prezidentining 2025 yil 18 noyabrdagi F-59-sonli farmoyishda belgilangan topshiriqlar ijrosi doirasida strategik yirik davlat korxonalarida “biznes-reja” va tannarxni pasaytirishni monitoring qilish yuzasidan o‘quv amaliy vebinar tashkil etildi.

Vebinarda 20 ta strategik yirik davlat korxonalarning 100 nafar ichki audit, moliya-iqtisod, buxgalteriya tuzilmalari rahbar va xodimlari ishtirok etdi.

Ishtirokchilarga Hisob palatasida yangi joriy etilgan “FINCONTROL” elektron axborot tizimidan foydalanish, shuningdek monitoring jadvallarini to‘ldirish tartibi bo‘yicha batafsil tushuntirishlar berildi.

Tadbir interaktiv formatda o‘tib, asosiy e'tibor raqamlashtirish jarayonida yuzaga kelayotgan texnik va tashkiliy masalalarga qaratildi.

Hisob palatasi tomonidan bildirilgan fikr-mulohazalar inobatga olinib, korxonalarga aniq amaliy tavsiya va yo‘l-yo‘riqlar berildi.