Unda vazirlik va idoralarning ichki audit, moliya-iqtisod va komplayens nazorati xizmatlari rahbar va xodimlari ishtirok etmoqda.

Tadbirdan ko‘zlangan maqsad – davlat moliyaviy nazoratini kuchaytirishda jamoatchilik ishtiroki va nazoratini kengaytirish.

Davlatimiz Rahbari tomonidan barcha davlat idoralari oldiga “tejamkorlik va barqarorlik” tamoyili asosida byudjet mablag‘larini tejash va samaradorligini oshirish topshirig‘i belgilangan.

Hisob palatasi raisining birinchi o‘rinbosari M. Abdullayev o‘z ma’ruzasida byudjetdan eng ko‘p mablag‘ oluvchi 12 ta vazirliklarda byudjet intizomini kuchaytirish va mablag‘lardan maqsadli foydalanish bo‘yicha amalga oshirilgan nazorat ishlari haqida aytib o‘tdi.

Ta’kidlanganidek, Hisob palatasida tashkil etilgan **“Masofaviy nazorat markazi”**da raqamlashtirish doirasida “Masofaviy audit” axborot tizimi joriy etilib, 28 ta yo‘nalishda avtomatik tahlillarni amalga oshirish yo‘lga qo‘yilgan.

Shuningdek, 12 ta vazirliklarda byudjet ijrosi doirasida xato va kamchiliklarni barvaqt aniqlash va moliyaviy nazoratni raqamlashtirish maqsadida “Situatsion markazlar” tashkil etilib, ularga “Masofaviy audit” hamda Iqtisodiyot va moliya vazirligining “Monitoring portali” axborot tizimlari o‘rnatilgan.

So‘ng Hisob palatasi raisi o‘rinbosari S. Mirzayev 2025 yilda davlat byudjeti mablag‘lari samarali va maqsadli sarflanishi ustidan ta’sirchan nazorat o‘rnatish hamda moliyaviy huquqbuzarliklarni oldini olish bo‘yicha ichki audit xizmatlarining samaradorligini oshirish masalalariga urg‘u berdi.

Spikerlar tomonidan byudjet mablag‘laridan samarali foydalanishni, maqsadsiz xarajatlarga yo‘l qo‘ymaslik, byudjet intizomiga amal qilish va qonunbuzilish holatlarini oldini olish muhimligi ta’kidlandi.

Seminar davom etmoqda.