Audit jarayonida mablag‘lardan maqsadli foydalanish va ob'ektlarni topshirish va ularning samaradorligi bo‘yicha qator tizimli ishlar amalga oshirilgan. 

Shu bilan birga, ayrim xato va kamchiliklar aniqlangan. 

Masalan, Davlat qabul hay'atlarining tegishli dalolatnomalariga ko‘ra, foydalanishga topshirilgan ob'ektlar belgilangan tartibda foydalanuvchi tashkilotlar balansiga topshirilmagan. 

Audit jarayonida loyihalarni Shaharsozlik norma va qoidalariga moslashtirilishi natijasida mablag‘larni maqbullashtirish imkoniyati aniqlandi.

Mavjud texnik nazoratchilardan qurilish ob'ektlarida texnik nazoratni olib borish huquqini beruvchi mutaxassis sertifikatiga ega bo‘lmasdan texnik nazorat olib borilgan. Amaldagi tartibga zid ravishda bitta texnik nazoratchiga o‘rtacha belgilangan normativdan ko‘p (normativ bo‘yicha 5 tadan 10 tagacha) ob'ektlarda buyurtmachi vazifasi berilgan.

O‘zbekiston Respublikasi Prezidentining 2022 yil 25 oktyabrdagi PQ–408-son qaroriga asosan Ko‘kdala va Chiroqchi tumanlarida qurilgan suv saqlash inshootlari audit jarayonida joyiga chiqib o‘rganilgan. Aholiga ichimlik suvi tarmog‘i tortilmaganligi (mablag‘ yetishmaganligi) sababli ulardan samarali foydalanilmayotganligi aniqlangan.

O‘zbekiston Respublikasi Prezidentining 2022 yil 6 iyundagi PQ–271-son qaroriga asosan “Chiroqchi” EIZ uchun 2022-2023 yillarda qurilgan ichimlik va oqova suv ta'minoti ob'ektlari elektr tarmoqlariga ulanmaganligi sababli bugungi kunga qadar foydalanilmay kelinmoqda.

Yo‘l qo‘yilgan xato va kamchiliklarni bartaraf etish bo‘yicha Hisob palatasi tomonidan tegishli idoralarga taklif va tavsiyalar taqdim etildi.