Seminarning asosiy tashkilotchilari – Chexiya va Estoniya Oliy audit organlari. Unda O‘zbekiston Respublikasi Hisob palatasi vakillari ham ishtirok etdi.

Ushbu seminar doirasida samarali va foydalanuvchilarga qulay raqamli davlat xizmatlarini yaratish yo‘llari muhokama qilindi. Unda elektron xizmatlarining rivojlanishini audit qilish va qo‘llab-quvvatlashda Oliy audit organlarining yetakchi o‘rni va tajribalari muhokama qilindi.

Tadbir avvalida Chexiya Respublikasi Oliy audit organi raisi Miloslav Kala va Estoniya Bosh auditori, Ishchi guruh raisi Yanar Xol'm uzluksiz elektron xizmatlarni joriy qilishda duch keladigan asosiy vazifa va muammolarga urg‘u berdi.

So‘ng Yevropa Komissiyasi vakili, Buyuk Britaniya, Shveysariya, Niderlandiya, Sloveniya, Ruminiya, Bolgariya va Qatar Oliy audit organlari auditorlari tomonidan taqdimotlar berildi. 

Samarali elektron xizmatlarini yaratishning zarur shartlariga oid panel muhokamalar bo‘lib o‘tdi. Universitet boshqaruvini takomillashtirish va mavjud ma'lumotlarning shaffoflik darajasini oshirish uchun Integratsiyalashgan ta'lim registridan (REI) foydalanishga oid ham prezentasiya qilindi.

Shu bilan birga, davlat sektorida elektron xizmatlarga o‘tish yo‘lida axborot texnologiyalari auditini o‘tkazishga bag‘ishlangan muhokamalar bo‘lib o‘tdi.

Ushbu virtual tadbir fikr almashish va muammolarni hal qilish uchun dinamik forum shaklida tashkil qilindi.