Uning ijrosi doirasida Hisob palatasida byudjetdan ish haqiga, qurilishga, xaridlarga va boshqa maqsadlarga yo‘naltiriladigan mablag‘lardan samarali va maqsadli foydalanishni kuchaytirish yuzasidan hududiy Iqtisodiyot va moliya, G‘aznachilik va Pensiya bo‘limlari uchun o‘quv-amaliy seminar tashkil qilindi.

Hisob palatasi raisining birinchi o‘rinbosari M. Abdullaev so‘nggi paytda ushbu idora o‘z faoliyatida “xato va kamchiliklarni aniqlash” emas, balki asosiy yo‘nalish sifatida byudjet mablag‘larining samaradorligini oshirish, nazorat ob'ekti faoliyati bo‘yicha tizimli muammolarni aniqlash va ularning yechimini topish kabi tahlillarga e'tibor qaratayotganini aytib o‘tdi.

Tadbir ishtirokchilari byudjet mablag‘laridan samarali foydalanish va maqsadsiz xarajatlarga yo‘l qo‘ymaslik, byudjet intizomiga amal qilish va qonunbuzilish holatlarini oldini olish bo‘yicha barcha zarur chora-tadbirlarni ko‘rishga chaqirildi.

Yig‘ilish ishtirokchilari tomonidan davlat dasturlarida belgilangan tadbirlarni o‘z muddatida moliyalashtirish, byudjet intizomiga rioya etilishini ta'minlash hamda xarajatlarni maqbullashtirish bo‘yicha mulohaza va takliflar bildirildi.

Jalb qilingan idoralar tomonidan byudjet mablag‘laridan samarali va maqsadli foydalanishni kuchaytirish borasida hamkorlik qilishga kelishib olindi.