Unda Davlat moliyaviy nazorat inspeksiyasi va davlat tashkilotlari ichki audit xizmatlarining 250 ga yaqin xodimlari ishtirok etdi.

Seminarda Hisob palatasi raisi o‘rinbosari S. Mirzayev Vazirlar Mahkamasining 2025 yil 16 iyuldagi 446-sonli qarori bilan tasdiqlangan “2025 — 2027 yillarda respublika va mahalliy ijro etuvchi hokimiyat organlarida ichki nazorat tizimini yanada takomillashtirish konsepsiyasi” asosida respublika va mahalliy ijro etuvchi hokimiyat organlarida samarali ichki nazorat tizimini joriy etish masalasini ta'kidladi. 

S. Mirzayev kelgusida ichki audit bo‘yicha xalqaro sertifikatlash tizimini yo‘lga qo‘yish, ichki audit xizmatlari OAVda o‘z faoliyatiga oid hisobotlarni jamoatchilikka e'lon qilib borishi hamda fuqarolar ishtirokidagi auditni kengaytirish kabi dolzarb masalalar yuzasidan ham fikr bildirdi.   

Shuningdek, Hisob palatasining mas'ul xodimlari tomonidan davlat moliyaviy nazorat organlari va ichki audit xizmatlari faoliyati samaradorligini oshirish to‘g‘risida taqdimot qilindi.

Shu bilan birga, mas'ullar tomonidan “Davlat auditi” axborot tizimidan foydalanish holati va uni yanada takomillashtirish bo‘yicha amalga oshirilayotgan ishlar to‘g‘risida tushuntirishlar berildi.

Seminar interaktiv muloqot formatida tashkil etildi.

Faoliyatga oid yuzaga kelayotgan muammolar bo‘yicha tomonlarni qiziqtirgan savol va amaliy takliflar eshitildi. 

Qayd etilgan muammolarning yechimlari yuzasidan Hisob palatasining mas'ul xodimlari tegishli tavsiya va ko‘rsatmalar berdi.