Ushbu seminarda davlat qarzi holati va tendensiyasi, xalqaro moliya institutlari va xorijiy hukumat moliya tashkilotlari ishtirokida amalga oshirilayotgan investisiya loyihalarni shakllantirish va jadallashtirish hamda hisobdorlik shaffofligini ta'minlash masalalari bo‘yicha fikr almashildi.

Xususan, O‘zbekiston Respublikasi Prezidentining 2025 yil 11 fevraldagi “Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish mexanizmlarini takomillashtirishga doir qo‘shimcha chora-tadbirlar to‘g‘risida”gi PQ-51-sonli qarori bilan joriy etilgan yangi qulayliklarga e'tibor qaratildi.

Shu bilan birga, seminarda Hisob palatasi, Iqtisodiyot va moliya vazirligi, Investisiyalar, sanoat va savdo vazirligi hamda Milliy statistika qo‘mitasi mas'ullari tomonidan seminar mavzusiga doir taqdimotlar amalga oshirildi.

Seminar davomida ishtirokchilarni qiziqtirigan masalalar bo‘yicha atroflicha tushuntirishlar berildi.

Xalqaro moliya institutlari ishtirokida amalga oshirilayotgan loyihalarning samaradorligiga e'tibor qaratish, qarz mablag‘lardan oqilona foydalanish yuzasidan tavsiyalar berildi.

Seminar yakunida Hisob palatasi va ishtirok etgan boshqa vazirliklar o‘rtasida muhim loyihalarni jadallashtirish bo‘yicha maslahatlashuv uchrashuvlarini o‘tkazishga kelishildi.