Sessiya davlat auditi sohasida katta hajmli ma’lumotlarni intellektual tahlil qilish, raqamli texnologiyalarni joriy etish, mavjud muammolar va innovatsion yechimlarni ishlab chiqish masalalariga bag‘ishlandi.

Ikkinchi parallel sessiya “Davlat auditida katta hajmli ma’lumotlarni intellektual tahlil qilishda mavjud muammolar va innovatsion yechimlar” mavzusida tashkil etildi.

Sessiyada AZOSAI va INTOSAIga a’zo oliy audit organlari vakillari, xalqaro ekspertlar hamda taklif etilgan mutaxassislar ishtirok etdi. Shuningdek, xorijiy davlatlardan kelgan delegatsiyalar va xalqaro tashkilotlar vakillari ham muhokamalarda faol qatnashdi.

Sessiya davomida quyidagi yo‘nalishlar bo‘yicha ilmiy-amaliy muhokamalar olib borildi:

-davlat auditida raqamli transformatsiyaning konseptual va metodologik asoslari;

-sun’iy intellekt texnologiyalari va tahlil usullari;

-Big Data asosida audit tahlili;

-masofaviy audit va avtomatlashtirilgan nazorat tizimlari;

-kiberxavfsizlik va axborotni himoya qilish masalalari;

-riskka asoslangan yondashuv va avtomatlashtirilgan nazorat mexanizmlari.

Ishtirokchilar tomonidan ta’kidlanganidek, davlat auditida raqamli texnologiyalarni joriy etish audit samaradorligini oshirish, shaffoflikni ta’minlash va moliyaviy nazorat tizimini yangi bosqichga olib chiqishda muhim ahamiyat kasb etadi.

Sessiya yakunida bildirilgan fikr va takliflar xalqaro hamkorlikni kengaytirish hamda davlat auditi sohasida innovatsion yechimlarni joriy etishda muhim platforma bo‘lib xizmat qilishi qayd etildi.