17.05.2026

Toshkentda Davlat auditini raqamlashtirish va sun’iy intellektga bag‘ishlangan xalqaro konferensiya o‘tkaziladi

2026-yilning 21–24 may kunlari Toshkent shahrida “Audit jarayonlarini raqamlashtirish va katta hajmli (Big Data) ma’lumotlarni sun’iy intellekt orqali tahlil qilish” mavzusida xalqaro konferensiya bo‘lib o‘tishi ma’lum qilinadi.

Konferensiyaning asosiy maqsadi — davlat audit sohasida raqamli texnologiyalar, Big Data va sun’iy intellektni qo‘llash bo‘yicha xalqaro tajriba almashish, yosh auditorlarning raqamli tahlil ko‘nikmalarini rivojlantirishdan iborat.

Tadbir O‘zbekiston Respublikasi Hisob palatasi, Raqamli texnologiyalar vazirligi va Yoshlar ishlari agentligi hamkorligida AZOSAI va INTOSAI xalqaro tashkilotlari doirasida tashkil etilmoqda.

Konferensiyada 30 dan ortiq davlatlar Oliy audit organlari va xalqaro tashkilotlar ishtirok etishi kutilmoqda.

Konferensiya doirasida qator tematik sessiyalar o‘tkazilishi rejalashtirilgan.

Shuningdek, tadbirda davlat auditida raqamli transformatsiya, sun’iy intellekt texnologiyalari, masofaviy audit, avtomatlashtirilgan nazorat tizimlari hamda kiberxavfsizlik masalalari muhokama qilinadi.

E’tiborlisi shuki, mazkur konferensiya O‘zbekiston Respublikasi Hisob palatasi tarixida AZOSAI va INTOSAI doirasida ilk bor shunday keng qamrovli xalqaro formatda o‘tkazilmoqda.

Boshqa yangiliklar

HUDUDIY IJTIMOIY VA ISHLAB CHIQARISH INFRATUZILMANI RIVOJLANTIRISH DASTURLARI IJROSI TAHLILI NATIJALARI

701

13.05.2026

Prezident: “Har bir qaror, har bir xizmat, har bir jarayon faqat inson manfaatiga xizmat qilishi zarur”

1780

27.11.2025

O‘zbekistonda yirik energetika quvvatlari ishga tushirildi va navbatdagilarining qurilishi boshlandi

2904

04.12.2025

Oʻzsanoatqurilishbankda muammoli kredit qarzdorliklari tahlili natijalari

738

01.07.2026

Toshkent shahrini kompleks rivojlantirish boʻyicha ustuvor vazifalar belgilab olindi

4608

15.12.2025