Seminar O‘zbekiston Respublikasi Prezidentining “Davlat organlari va tashkilotlarda ijro intizomini yanada mustahkamlashning qo‘shimcha chora-tadbirlari to‘g‘risida” 2025 yil 25 iyuldagi PF-117-son Farmoni mazmun-mohiyatini tushuntirish hamda ijro intizomini mustahkamlash masalalari bag‘ishlandi.

Tadbirda 200 ga yaqin mas'ullar bevosita hamda 800 ga yaqin vakillar video-aloqa orqali ishtirok etdi.

Hisob palatasi raisining birinchi o‘rinbosari M. Abdullaev Prezident Farmoniga muvofiq joriy qilingan yangi nazorat mexanizmlari bilan ishtirokchilarni tanishtirdi. Ushbu Farmon O‘zbekiston Respublikasi Qonunlari, Prezident va Hukumat hujjatlarining ijrosi ustidan samarali nazorat mexanizmlarini joriy qilish, ijro natijasi bo‘yicha aniq hisobdorlikni ta'minlash, shuningdek, barcha bo‘g‘indagi rahbarlar va xodimlarning ijro intizomiga qat'iy rioya etish bo‘yicha shaxsiy mas'uliyati va javobgarligini yanada oshirish maqsadida qabul qilinganligi ta'kidlandi.

Ijro intizomi borasida mas'ul ijrochilarda yuzaga kelayotgan muammolar va ularni hamjihatlikda hal etish choralari belgilandi.

O‘quv-amaliy seminar jonli muloqot formatida o‘tkazildi.

Seminar yakuni bo‘yicha Farmon ijrosini samarali tashkil etish hamda bildirilgan taklif va fikr-mulohazalar asosida Hisob palatasi, Adliya vazirligi va Raqamli texnologiyalar vazirligining qo‘shma qarori va chora-tadbirlar dasturi qabul qilinishiga kelishildi.