Seminarda Qirg‘iziston Respublikasi, Rossiya Federatsiyasi, Belarus' Oliy audit organlari hamda O‘zbekiston Respublikasi Hisob palatasi vakillari ishtirok etdi.

Shuningdek, Qozog‘iston Respublikasi, Ozarbayjon Respublikasi, Tojikiston Respublikasi Oliy audit organlari vakillari ham seminarda masofaviy (onlayn) formatda qatnashdi.

Seminarda MDH makonida davlat moliyaviy nazorat organlarining mustaqilligi qonunosti xujjatlari bilan ta'minlanganligi, audit o‘tkazishda mustaqillik prinsipiga rioya qilish borasida Rossiya Federatsiyasi, Belarus' va Qirg‘iziston Respublikasi auditorlari tomonidan taqdimot o‘tkazildi.

Tadbirda O‘zbekiston Respublikasi Hisob palatasi vakillari tomonidan ham mamlaktimizda hozirda davlat auditi sohasida amalga oshirilayotgan transformasiyalar haqida ma'lumotlar berildi. Hisob palatasining faoliyat doirasi, uning oldida turgan vazifalar, xalqaro audit standartlarini joriy yilish borasida amalga oshirilgan sa'y-harakatlar haqida taqdimot qilindi. 

Shuningdek, bugungi kunda o‘tkazilayotgan audit tadbirlarida byudjet mablag‘larining sarflanishini nazorat qilishda raqamli texnologiyalaridan foydalanish bo‘yicha ishtirokchilar tomonidan o‘zaro tajriba almashildi. 

Seminar yakunida Hisob palatasi o‘z faoliyatida raqamlashtirish orqali nazorat tadbirlarini o‘tkazish jarayonini yanada rivojlantirish muhimligi ta'kidlandi.

Bundan tashqari, MDH mamlakatlarida byudjet mablag‘lari boshqarishda elektron axborot tizimidan foydalanish yuqori bo‘lganligi sababli joriy etilgan axborot texnologiyalarni auditdan o‘tkazish tizimini rivojlantirish, bunda audit o‘tkazish bo‘yicha professional IT mutaxassislarni jalb etishi muhimligigi ko‘rsatib o‘tildi.