Ikki tomonlama hamkorlikka 2024 yilda Budapesht shahrida asos solingan edi. Ushbu tashrif davomida O‘zbekiston va Vengriya Oliy audit organlari o‘rtasida Hamkorlik to‘g‘risida kelishuv imzolangan edi. Shuningdek, O‘zbekiston va Vengriya Oliy audit organlarining Maslahatlashuv kengashi tuzilib, birinchi maslahatlashuv uchrashuvini Samarqand shahrida o‘tkazishga kelishilgan edi. Joriy yilning 28 mart kuni Samarqand shahrida ushbu Maslahatlashuv kengashining birinchi uchrashuvi tantanali bo‘lib o‘tgan. 

Tashrif yakunida O‘zbekiston va Vengriya Oliy audit organlari o‘rtasida 2025-2027 yillarga mo‘ljallangan Hamkorlik bo‘yicha amaliy chora-tadbirlar rejasi imzolangan edi.

Ushbu Chora-tadbirlar rejasi doirasida 29 iyul' kuni O‘zbekiston – Vengriya Oliy audit organlari Ishchi guruhining navbatdagi uchrashuvi bo‘lib o‘tdi.

Unda ikki tomonlama munosabatlarning hozirgi holati va istiqbollari muhokama qilindi. 

Professional hujjatlar, xususan, audit metodologiyasi va texnologiyalarini ishlab chiqish bo‘yicha standartlar va qo‘llanmalarning o‘zaro almashinuvi va onlayn maslahatlashuvlarga to‘xtaldi.

O‘zbekiston – Vengriya Oliy audit organlari Maslahatlashuv kengashining 2026 yildagi navbatdagi yig‘ilishiga tayyorgarlik ko‘rish masalalariga urg‘u berildi. 

Shu bilan birga, joriy yilning 3-choragida Vengriya tomonidan Markaziy byudjet monitoringi va Oliy audit organining prognozlashtirish tahlillariga bag‘ishlangan vebinar tashkil qilish masalasi ko‘rib chiqildi.  

O‘zbekiston Hisob palatasi tomonidan Oliy audit organining raqamlashtirish, masofaviy monitoring va xavflarni baholash sohasidagi tajribasi yuzasidan Vengriya tomoni uchun vebinar tashkil qilishiga kelishildi.

Tomonlar Chora-tadbirlar rejasiga muvofiq o‘zaro maslahatlashuvlarini davom ettiradilar.