Prezident Qarshi shahridan Shahrisabzga poezdda bordi. U yerda ko‘p tarmoqli kardiologiya markazi faoliyati bilan tanishildi. Shahrisabz tumani Hisor tog‘i yon bag‘ridagi sayyohlik salohiyati ham taqdim etildi.

Davlatimiz rahbari Shahrisabz tumanidagi “Hisorak” suv ombori yaqinida barpo etilgan Hisorak kichik gidro elektr stansiyasini ham ko‘zdan kechirdi.

Shu bilan birga, Prezident Yakkabog‘ tumanida barpo etilgan “Yangi O‘zbekiston” massivini borib ko‘rdi.

So‘ng Prezident Shavkat Mirziyoev Ko‘kdala tumanida 20 iyun' kuni Qashqadaryo viloyatini ijtimoiy-iqtisodiy rivojlantirish chora-tadbirlari bo‘yicha yig‘ilish o‘tkazdi. Prezidentimiz viloyatda ulkan o‘zgarishlar bo‘layotgani, islohotlar odamlar hayotiga kirib borayotganini qayd etdi.

Davlatimiz rahbari viloyatni har tomonlama rivojlantirish bo‘yicha qo‘shimcha imkoniyatlarni ko‘rsatib o‘tdi.