Ma'lumki, Davlat rahbari tomonidan byudjet mablag‘larining maqsadli va samarali ishlatilishi ustidan nazoratni kuchaytirish va byudjet intizomini mustahkamlash bo‘yicha qat'iy topshiriq berilgan edi. 

Uning ijrosini ta'minlash maqsadida Hisob palatasi, Iqtisodiy jinoyatlarga qarshi kurashish departamenti hamda Iqtisodiyot va moliya vazirligining ko‘shma qarori imzolanib, chora-tadbirlar rejasi tasdiqlangan.

Shuningdek, byudjetdan mablag‘ oluvchi asosiy 22 ta vazirlik va idoralar bilan ham qo‘shma qarorlar imzolanib, tegishli chora-tadbirlar qabul qilingan.

Bugungi yig‘ilishda ushbu yo‘nalishda amalga oshirilgan ishlar muhokama qilindi.

Hisob palatasi raisi o‘rinbosari S. Mirzayev yuqorida zikr qilingan chora-tadbirlardagi nazorat ishlarini tashkil etish, raqamlashtirish, maqbullashtirish, g‘aznachilikda joriy nazoratni kuchaytirish, xaridlar, investisiya, qurilish, tashqi qarz va boshqa yo‘nalishlar bo‘yicha joriy yildagi vazifalar ijrosini yanada samarali ta'minlash muhimligini ta'kidladi.

Uchrashuv ochiq va konstruktiv formatda bo‘lib o‘tdi.

Ishtirokchilarga byudjet xarajatlarining samaradorligini oshirish va moliyaviy nazoratni kuchaytirish bo‘yicha yangi topshiriqlar berildi.