Shu munosabat bilan, Hisob palatasi tomonidan Nazorat inspeksiyasi va Adliya vazirligi bilan birgalikda joriy yilning 21 may kuni vazirlik, idora va xo‘jalik birlashmalarining ijro intizomi bo‘linmasi boshliqlari uchun “Ijro intizomini samarali tashkil etish, “Ijro.gov.uz” elektron tizimini yanada takomillashtirish borasida amalga oshirilayotgan ishlar” mavzusida o‘quv-amaliy seminar o‘tkazildi. Hududiy bo‘linmalar rahbarlari video-aloqa orqali ishtirok etdi. 

Unda 100 dan ortiq mas'ullar bevosita hamda 500 ga yaqin vakil video-aloqa orqali qatnashdi.

O‘quv-amaliy seminar jonli muloqat formatida o‘tkazildi. 

Seminar davomida barcha mas'ullar bilan yuzma-yuz suhbat bo‘ldi. 2024 yilda amalga oshirilgan ishlar, aniqlangan tizimli muammolar va ularni hal etish bo‘yicha takliflar muhokama qilindi. 

Bu borada mas'ul ijrochilarda yuzaga kelayotgan muammolar va ularni hamjihatlikda hal etish choralari belgilandi.

Shuningdek, “Ijro.gov.uz” elektron tizimiga sun'iy intellekt imkoniyatlarini joriy etish, 10 ga yaqin davlat organlarining axborot tizimlarini integrasiya qilish hamda tizimni to‘liq modernizasiya qilish bo‘yicha ishlar olib borilayotganligi ta'kidlandi.