Конференциянинг асосий мақсади — давлат аудит соҳасида рақамли технологиялар, Big Data ва сунъий интеллектни қўллаш бўйича халқаро тажриба алмашиш, ёш аудиторларнинг рақамли таҳлил кўникмаларини ривожлантиришдан иборат.

Тадбир Ўзбекистон Республикаси Ҳисоб палатаси, Рақамли технологиялар вазирлиги ва Ёшлар ишлари агентлиги ҳамкорлигида АЗОСАИ ва ИНТОСАИ халқаро ташкилотлари доирасида ташкил этилмоқда.

Конференцияда 30 дан ортиқ давлатлар Олий аудит органлари ва халқаро ташкилотлар иштирок этиши кутилмоқда.

Конференция доирасида қатор тематик сессиялар ўтказилиши режалаштирилган.

Шунингдек, тадбирда давлат аудитида рақамли трансформация, сунъий интеллект технологиялари, масофавий аудит, автоматлаштирилган назорат тизимлари ҳамда киберхавфсизлик масалалари муҳокама қилинади.

Эътиборлиси шуки, мазкур конференция Ўзбекистон Республикаси Ҳисоб палатаси тарихида АЗОСАИ ва ИНТОСАИ доирасида илк бор шундай кенг қамровли халқаро форматда ўтказилмоқда.