Унинг вазифаси бюджет қонунчилигининг бузилиши, молиявий камчиликлар ва коррупциявий ҳолатлар юзага келишининг олдини олиш, бюджет маблағларидан мақсадли ва самарали фойдаланиш устидан масофавий мониторингдан иборат.

Ушбу Марказ орқали маданият муассасаларида амалга оширилаётган барча молиявий операциялар онлайн тарзда кузатиб борилади ва назорат қилинади. Бу тизим орқали молиявий интизом кучайтирилиб, харажатларнинг аниқлиги ва маблағлардан мақсадли фойдаланиш таъминланади.

Марказ ўз фаолиятида Ҳисоб палатасининг “Масофавий назорат маркази” ҳамда Иқтисодиёт ва молия вазирлигининг “Мониторинг портали” ахборот тизимлари билан интеграция қилинган.

Бугун Ҳисоб палатаси раиси ўринбосари А. Аллаберганов Марказда бўлиб, унинг фаолияти билан яқиндан танишди.

Ташриф давомида у ахборот тизимлари орқали амалга оширилаётган назорат жараёнлари, тезкор таҳлил ва мониторинг имкониятларини кўздан кечириб, Марказ фаолиятини янада такомиллаштириш бўйича қатор амалий таклиф ва тавсиялар билдирди.