29.01.2025

Халқаро аудит стандартлари асосида аудитни ташкил этиш мавзусида амалий семинар

Жорий йилнинг 30 январь куни Ҳисоб палатаси томонидан Иқтисодиёт ва молия вазирлиги билан ҳамкорликда вазирлик ва идораларнинг ички аудит хизматлари ходимлари малакасини ошириш бўйича “Халқаро аудит стандартлари асосида аудитни ташкил этиш” мавзусида ўқув амалий семинар ташкил этилди.

Унда 140 нафар вазирлик ва идораларнинг ички аудит хизмати раҳбар ва ходимлари иштирок этди.

Тадбирда Ҳисоб палатаси раиси ўринбосарлари А. Аллаберганов ва С. Мирзаев давлат бюджети маблағларини мақсадли ва самарали ишлатилишини таъминлаш ва давлат ташкилотлари самарадорлигини ошириш масалаларига тўхталиб ўтди.

Семинарда, шунингдек, Ҳисоб палатаси ва Иқтисодиёт ва молия вазирлигининг масъул ходимлари томонидан аудитнинг халқаро стандартлари хусусиятлари, рискларни баҳолаш асосида аудитни режалаштириш, аудит натижалари бўйича таклифлар тайёрлаш хусусида тематик тақдимотлар қилиниб, тингловчиларга маълумотлар берилди.

Семинар интерактив мулоқот форматида ташкил этилди.

“Давлат аудити” дастуридан фойдаланиш борасида вазирлик ва идораларда юзага келаётган муаммолар бўйича томонларни қизиқтирган савол ва амалий таклифлар эшитилди.

Ҳисоб палатаси масъул ходимлари томонидан мавжуд муаммоларнинг ечимлари юзасидан тегишли тавсия ва кўрсатмалар берилди.

Бошқа янгиликлар

Алоқабанкда “Ёшлар бизнеси” дастури доирасида ёшларнинг фаолиятини молиявий қўллаб-қувватлаш борасида амалга оширилаётган ишларнинг самарадорлик аудити

364

05.04.2026

“Яшил макон” лойиҳаси доирасида ҳамда ўрмонларни бошқариш тизимида амалга оширилган ишлар самарадорлиги аудити

01.06.2026

Давлат бюджети маблағларининг самарали сарфланиши устидан назорат ўрнатишга оид семинар

329

23.02.2026

Ўзбекистон Республикаси Президенти Шавкат Мирзиёевнинг Олий Евроосиё иқтисодий кенгаши йиғилишидаги нутқи

981

21.12.2025

Осиё тараққиёт банки билан муносабатлар фаол ривожланмоқда

1487

10.07.2025