Семинарда Қирғизистон Республикаси, Россия Федерацияси, Беларусь Олий аудит органлари ҳамда Ўзбекистон Республикаси Ҳисоб палатаси вакиллари иштирок этди.

Шунингдек, Қозоғистон Республикаси, Озарбайжон Республикаси, Тожикистон Республикаси Олий аудит органлари вакиллари ҳам семинарда масофавий (онлайн) форматда қатнашди.

Семинарда МДҲ маконида давлат молиявий назорат органларининг мустақиллиги қонуности хужжатлари билан таъминланганлиги, аудит ўтказишда мустақиллик принципига риоя қилиш борасида Россия Федерацияси, Беларусь ва Қирғизистон Республикаси аудиторлари томонидан тақдимот ўтказилди.

Тадбирда Ўзбекистон Республикаси Ҳисоб палатаси вакиллари томонидан ҳам мамлактимизда ҳозирда давлат аудити соҳасида амалга оширилаётган трансформациялар ҳақида маълумотлар берилди. Ҳисоб палатасининг фаолият доираси, унинг олдида турган вазифалар, халқаро аудит стандартларини жорий йилиш борасида амалга оширилган саъй-ҳаракатлар ҳақида тақдимот қилинди. 

Шунингдек, бугунги кунда ўтказилаётган аудит тадбирларида бюджет маблағларининг сарфланишини назорат қилишда рақамли технологияларидан фойдаланиш бўйича иштирокчилар томонидан ўзаро тажриба алмашилди. 

Семинар якунида Ҳисоб палатаси ўз фаолиятида рақамлаштириш орқали назорат тадбирларини ўтказиш жараёнини янада ривожлантириш муҳимлиги таъкидланди.

Бундан ташқари, МДҲ мамлакатларида бюджет маблағлари бошқаришда электрон ахборот тизимидан фойдаланиш юқори бўлганлиги сабабли жорий этилган ахборот технологияларни аудитдан ўтказиш тизимини ривожлантириш, бунда аудит ўтказиш бўйича профессионал IT мутахассисларни жалб этиши муҳимлигиги кўрсатиб ўтилди.