Ушбу семинар Ўзбекистон Республикаси Президентининг 2024-йил 10-июлдаги ПФ-100-сонли фармони ва 2025-йил 30-апрелдаги ПҚ-153-сонли қарори ижросини таъминлаш мақсадида Ўзбекистон Республикаси Ҳисоб палатаси ташаббуси ва Рақамли технологиялар вазирлиги ҳамкорлигида ташкил этилди.

Семинарда Ҳисоб палатаси, Рақамли технологиялар, Ички ишлар вазирликлари, Марказий банк ва “Киберхавфсизлик маркази” ДУК нинг масъул ходимлари ўзларининг маърузалари билан қатнашди.  

Тадбирда, шунингдек, Молия ва иқтисодиёт вазирлиги, Марказий банк ҳамда давлат улуши мавжуд бўлган 9 та банк (жумладан, “Ўзмиллий банк”, “ЎзСаноатқурилишбанк”, “Алоқабанк”, “Микрокредитбанк”, “Агробанк”, “Асакабанк” ва “Бизнесни ривожлантириш банки”)нинг ахборот ва киберхавфсизлик бўйича мутахассислари ҳам иштирок этди.

Маърузаларда киберхавфсизликни таъминлашда миллий ва халқаро талаблар, рақамли трансформация жараёнида ахборот хавфсизлигининг асосий йўналишлари, банкларга хос APT (Advanced Persistent Threat) ҳужумлари ва улардан ҳимояланиш стратегиялари ҳамда рақамли тўловлар ва мобил банк хизматларида киберхавфсизликни таъминлаш бўйича маълумотлар берилди. 

Тадбир иштирокчилари интерактив форматда ўзларини қизиқтирган саволларга жавоблар олдилар.