Шу боис, бюджет интизомини мустаҳкамлаш мақсадида Ҳисоб палатаси, Бош прокуратура ҳузуридаги Иқтисодий жиноятларга қарши курашиш департаменти, Иқтисодиёт ва молия вазирлиги ҳамда Мактабгача ва мактаб таълими вазирлиги томонидан қўшма қарор қабул қилинган.

Унга мувофиқ, Мактабгача ва мактаб таълими вазирлиги ва унинг тизимига кирувчи ташкилотларнинг бюджет маблағлари доирасидаги харажатларини амалга ошириш устидан қатъий ва таъсирчан назоратни ўрнатиш белгиланган.

Ҳисоб палатасининг “Масофавий марказ” ААТ томонидан вазирлик ички назорат тузилмаларида аниқланаётган хавфлар бўйича тахлиллар доимий тарзда тақдим этиб борилмоқда.

Жорий йилнинг 4 июль куни Ҳисоб палатаси ва Мактабгача ва мактаб таълими вазирлиги раҳбарияти ўртасида мувофиқлаштирувчи учрашув бўлиб ўтди.

Учрашувда “Ijro.gov.uz” электрон тизимига киритилган топшириқлар ижро ҳолати муҳокама қилинди. 

Ҳисоб палатасининг ташаббуси билан, Вазирлик ҳузурида ташкил этилган “Ситуацион марказ”нинг самарали фаолият юритиши учун зарур бўлган маълумотларни тўплаш, уларни тизимли равишда жамлаш ва таҳлил этиш жараёнлари масалаларига урғу берилди.

Вазирликнинг ички аудит хизмати ривожлантириш дастурларининг самарадорлигини сифатли ва ҳаққоний баҳолаб бориш ҳамда натижаларининг Ҳисоб палатасининг “Давлат аудити” дастурига тўлиқ киритилишини таъминланиши айтилди. 

Учрашув якунида харажатларни мақбуллаштириш, уларни соҳадаги бошқа зарур йўналишларга йўналтириш ҳамда тендер ўтказиш жараёнларида қонуний ва шаффоф ўтказилишини доимий назорат қилиш масалаларига алоҳида эътибор қаратилди.