20.06.2025

Хавфларни бошқариш тизимини самарали йўлга қўйиш бўйича семинар бўлиб ўтди

Ҳисоб палатаси Иқтисодиёт ва молия вазирлиги билан биргаликда Ўзбекистон Республикаси Президентининг 2024 йил 10 июлдаги ПФ-100-сонли Фармонида белгиланган топшириқлар ижроси доирасида республика ва маҳаллий ижро этувчи ҳокимият органларида хавфларни бошқариш тизимини самарали йўлга қўйилишини таъминлаш мавзусида семинар ташкил этилди.

Семинарда республика ва маҳаллий ижро этувчи ҳокимият органларининг 250 нафарга яқин ички аудит, молия-иқтисод, коррупцияга қарши курашиш тузилмалари раҳбарлари ҳамда Хавфларни бошқариш қўмитаси аъзолари иштирок этди.

Семинарда Ҳисоб палатасининг масъул ходимлари хавфларни аниқлашда ушбу идоранинг “Масофавий назорат” маркази ахборот тизимларидан фойдаланиш ҳамда ички назоратни самарали ташкил этиш тўғрисида тушунтиришлар берди.

Тадбир интерактив мулоқот форматида ташкил этилди.

Хавфларни бошқариш қўмитаси фаолиятини йўлга қўйиш, шунингдек, хавфларни аниқлашда ахборот технологияларидан фойдаланиш ҳамда давлат органлари ва ташкилотларида ички назоратни ташкил этишга оид муаммолар бўйича томонларни қизиқтирган савол ва амалий таклифлар эшитилди.

Ҳисоб палатаси ҳамда Иқтисодиёт ва молия вазирлиги масъул ходимлари томонидан мавжуд муаммоларнинг ечимлари юзасидан тегишли тавсия ва кўрсатмалар берилди.

Бошқа янгиликлар

Ҳуқуқни муҳофаза қилиш академиясида халқаро конференция бўлиб ўтди

1211

28.11.2025

Ҳисоб палатаси ва АССА ташкилоти ўртасида Ўзаро англашув меморандуми имзоланди

448

25.01.2026

Хитой Миллий аудит идораси билан меморандум имзоланди

1749

09.04.2025

Фарғона вилоят ҳокимлигида Президент топшириқлари ижросига доир семинар

1478

26.01.2025

Рақамли технологиялар вазирлигида бюджет маблағларининг самарали ишлатилиши бўйича йиғилиш

1079

30.07.2025