Ўтган давр давомида Вазирлик томонидан объектларда ўтказилган профилактик назорат тадбирлари натижалари баён қилинди. 2025 йил учун ажратиладиган маблағлардан самарали фойдаланиш назоратга олингани айтилди.

Вазирлик томонидан шаффофлик, самарадорлик ва кучли мониторинг тизими йўлга қўйилди. Вазирликнинг “Хавфларни бошқариш” қўмитаси ташкил қилиниб, Қўмита таркиби ва унинг асосий вазифалари белгиланди.

Фаолият жараёнида аниқланган молиявий ва бошқа турдаги хавфлар реэстрга киритилиб, уларни олдини олиш ва бартараф этиш бўйича чора-тадбирлар режаси ишлаб чиқилди.

Олий таълим муассасаларида Ички аудит хизмати ходимларининг фаолиятини ташкил этиш бўйича тартиб ишлаб чиқилди. Унда уларнинг вазифалари, ваколатлари, ҳуқуқ ва мажбуриятлари белгиланди.

Шу билан бирга, Вазирликда ташкил этилган “Ситуацион марказ” орқали тизим ташкилотлари молиявий фаолиятини масофадан назорат қилиш самарадорлигини янада ошириш бўйича режалар таъкидланди.

Олий таълимда молиявий жараёнларни рақамлаштириш ҳолатига алоҳида урғу берилди. Таъкидланганидек, контракт шартномасини фақат электрон тарзда олиш йўлга қўйилди. Стипендияни тайинлашдан тўлашгача барча жараёнлар тўлиқ рақамлашди.

Натижада стипендия ҳисоблашда инсон омили йўқ бўлди ва барча жараёнларнинг тезкорлиги 60-70 фоизга ошди. Ахборот тизимларида сунъий интеллект технологиялари жорий этиш режалаштирилмоқда.

Ҳисоб палатаси томонидан Вазирлик тизимида бюджет маблағларининг мақсадли ва самарали ишлатилиши устидан мониторинг ва назорат олиб бориш бўйича тавсия ва кўрсатмалар берилди.