Ramazon hayiti — mehr-oqibat, saxovat va bag‘rikenglik fazilatlari yanada yuksaladigan, inson qalbi poklanib, ezgu amallarga intilish kuchayadigan ulug‘ ayyomdir.

Ushbu muborak kunlarda Yurtdoshlarimiz o‘rtasidagi o‘zaro hurmat va mehr-oqibat yanada mustahkamlanib, jamiyatimizda hamjihatlik va totuvlik muhiti yanada qaror topmoqda.

Bugungi kunda yurtimizda inson manfaatlarini ulug‘lash, ijtimoiy adolatni ta’minlash, aholining farovonligini oshirish borasida amalga oshirilayotgan keng ko‘lamli islohotlar ana shunday ezgu qadriyatlar bilan hamohangdir.

Hisob palatasi jamoasi ham davlat moliyaviy nazoratini samarali tashkil etish, budjet mablag‘larining oqilona va maqsadli sarflanishini ta’minlash orqali xalqimiz farovonligiga xizmat qilishni o‘zining muhim vazifasi deb biladi.

Ushbu qutlug‘ ayyom munosabati bilan Sizlarga mustahkam sog‘liq, xonadonlaringizga tinchlik-totuvlik, fayzu baraka, mehr-oqibat va baxt-saodat tilaymiz.

Yurtimiz tinch, osmonimiz musaffo, qalblarimiz mehrga to‘lsin!

Ramazon hayiti muborak bo‘lsin!

Hurmat bilan,

O‘zbekiston Respublikasi Hisob palatasi jamoasi