Ayni paytda mamlakatimizning davlat moliyaviy nazorati tizimida, shuningdek, ushbu soha uchun zamon talablari darajasida yetuk mutaxassislarni tayyorlayotgan oliy o‘quv yurtlarida ko‘plab faxriy ustozlarimiz tinimsiz mehnat qilib kelmoqda. 

Davlatimiz moliyaviy sohada sifat va samarani ta'minlashda Sizlarga tayanadi. Sizlar chuqur bilimingiz, halol mehnatingiz, salmoqli ish tajribangiz bilan sohaga fayz va ma'no olib kirib, barchamiz uchun ibrat bo‘lib kelmoqdasiz.

Shuning uchun ham Ustozlarimizning jamiyatimizdagi maqomi va ehtiromi yuksakdir.

Muhtaram Ustoz va Murabbiylar!

Butun bilim va tajribangizni sohamizning rivoji va kadrlarimizning salohiyati uchun baxshida etib kelayotgan Siz, aziz Ustozlarga, yana bir bor qalbimiz tubidan minnatdorlik bildiramiz. 

Sharafli va mas'uliyatli faoliyatingizga kuch-quvvat, yangi zafarlar, oilangizga esa fayzu baraka tilab qolamiz. 

Shogirdlaringiz Sizlarga munosib davomchilar bo‘lsin. Hamisha elimiz ardog‘ida bo‘ling!

Yuksak ehtirom ila,

O‘zbekiston Respublikasi Hisob palatasi