Madhiyamizda mujassam bo‘lgan yuksak g‘oya va qadriyatlar — Ona Vatanga sadoqat, milliy birlik, fidoyilik va ezgu maqsadlarga intilish ruhi bizga ulug‘vor kuch bag‘ishlaydi.

U nafaqat davlatimiz mustaqilligining timsoli, balki xalqimizning sharafli tarixi va buyuk kelajak­ka bo‘lgan qat’iy ishonchining ifodasidir.

Bugungi kunda yurtimizda amalga oshirilayotgan keng ko‘lamli islohotlar, taraqqiyot sari dadil qadamlarimiz aynan shu Madhiyamizda jaranglagan ruh va g‘ururdan kuch oladi.

Biz, Hisob palatasi jamoasi, davlatimiz rivoji, xalqimiz farovonligiga xizmat qilishda aynan shu ulug‘vor maqsadlarga sodiq qolamiz.

Ushbu qutlug‘ sana har bir yurtdoshimiz qalbida Vatanga muhabbat, mustaqilligimizni asrab-avaylash, elimiz ravnaqi yo‘lida mas’uliyat bilan xizmat qilish tuyg‘ularini yanada mustahkamlansin.

Vatanimiz tinch, bayrog‘imiz baland, Madhiyamiz jarangi doimo ulug‘ bo‘lsin!

Hurmat bilan,

O‘zbekiston Respublikasi Hisob palatasi jamoasi