Davlat bayrog‘imiz – xalqimizning erki, mustaqilligi, milliy o‘zligimiz va buyuk maqsadlarimiz timsolidir. 

Undagi ranglar hamda ramzlar ajdodlarimizning bebaho merosini, bugungi bunyodkorlik yo‘limizni va kelajak avlodlarga bo‘lgan ishonchimizni mujassam etadi. 

Har bir vatandoshimiz qalbida faxr-iftixor uyg‘otadigan bu muqaddas timsol bizni yuksak birlikka, yurt ravnaqi yo‘lida mas’uliyat bilan xizmat qilishga chorlaydi.

Hisob palatasi jamoasi ham qat’iy mas’uliyat va fidoyilik bilan davlat budjeti va davlat resurslaridan oqilona foydalanishni ta’minlash, iqtisodiyotimiz barqarorligi hamda xalq farovonligini oshirish yo‘lida xizmat qilishni davom ettirmoqda.

Ushbu qutlug‘ kunda barchangizga sihat-salomatlik, tinchlik va xonadonlaringizga fayzu baraka tilaymiz. 

Davlat bayrog‘imiz doimo balandlarda hilpirab, Vatanimiz ravnaqi yo‘lidagi ezgu ishlarimizga madadkor bo‘lsin!

Bayram muborak, aziz yurtdoshlar!

Hurmat bilan,

O‘zbekiston Respublikasi Hisob palatasi