Ma'lumot o'rnida: “Dori-Darmon” AK – O‘zbekiston farmasevtika bozoridagi yetakchi ulgurji-chakana savdo bilan shug‘ullanuvchi korxona hisoblanadi. Kompaniyaning hududiy bo‘linmalari tarkibida 6 ta aksiadorlik jamiyatlari va 7 ta mas'uliyati cheklangan jamiyatlar, shu jumladan, 17 ta omborlar, 15 ta tahliliy-analitik laboratoriyalari mavjud. Bugungi kunda “Dori-Darmon” AK tomonidan 1600 dan ortiq ijtimoiy dorixona tashkil etilgan. U 130 dan ortiq yetakchi xorijiy firmalar bilan hamkorlik qiladi.

Tahlillar Kompaniyada samaradorlikni oshirish maqsadida moliyaviy, tashkiliy va boshqaruv tizimlar takomillashtirish hamda raqamli texnologiyalarni keng joriy qilish lozimligini ko‘rsatdi.

Xususan, “Dori-Darmon” AKning bozordagi ulushi, import va ishlab chiqarishdagi ishtiroki mavjud resurslarga muvofiq emas.

O‘rganishda Kompaniyaga moliyaviy hisobotlarni xalqaro standartlarga muvofiq hamda konsolidasiyalashgan tarzda shakllantirish, davlat haridlari, dorixonalardagi videokuzatuv tizimlari bo‘yicha qonunchilik talablariga qat'iy rioya qilinishi ta'minlash bo‘yicha ko‘rsatmalar berildi.

Bundan tashqari, debitor va kreditor qarzdorlik bo‘yicha nazoratni kuchaytirish, Kompaniya va uning tizim tashkilotlarida ish jarayonlarini raqamlashtirish orqali samaradorlikni oshirish imkoniyatlari mavjudligi ma'lum bo‘ldi.

Hisob palatasi tomonidan aniqlangan kamchiliklar yuzasidan Kompaniya rahbariyati bilan muhokamalar o‘tkazilib, ularni bartaraf etish bo‘yicha aniq chora-tadbirlar belgilandi va ijrosi nazoratga olindi.