Ma'lumot uchun: Joriy yilning yanvar'-aprel' oylarida 1 770 ming nafar aholining bandligi ta'minlangan.

O‘rganishda aholi bandligini ta'minlash bo‘yicha olib borilgan ishlar Dasturlar doirasida kreditlarni ajratilishi va ulardan samarali foydalanishda ayrim kamchiliklarga yo‘l qo‘yilganligi aniqlandi. 

Masalan:

– investisiya loyihalarini ishga tushirish hisobiga aholini bandligini ta'minlash ko‘rsatkichi 70 foizga ijro qilingan;

– Investisiya loyihalarini ishga tushirish hisobiga aholini bandligini ta'minlash bo‘yicha reja ko‘rsatkichi Toshkent viloyati va Toshkent shahridan tashqari birorta hududda bajarilmagan;

– “yangiish.mehnat.uz” elektron platformasiga fuqarolarning bandligi ta'minlanganligi xaqida ma'lumotlar takroran kiritilgan;

– bandligi ta'minlangan deb kiritilgan ayrim fuqarolarga o‘rganish davrida ish haqi hisoblanmagan;

– doimiy ish bilan ta'minlangan ayrim fuqarolarga mehnatga haq to‘lashning eng kam miqdoridan past ish haqi to‘langan;

– doimiy ishga joylashtirilgan deb ko‘rsatilgan fuqarolarning 5 foizi o‘rganish kunida ish bilan band emas;

– Osiyo taraqqiyot banki bilan hamkorlikda amalga oshirilayotgan “Moliyaviy ommaboplik” dasturi doirasida reja ko‘rsatkichlari hududlar kesimida Andijon, Farg‘ona, Toshkent viloyatlari va Toshkent shahrida, banklar kesimida O‘zsanoatqurilishbank, Milliy bank va Xalq banki tomonidan ijrosi ta'minlanmagan. 

O‘rganish natijalaridan kelib chiqib, aholi bandligini ta'minlashda banklar faoliyati samaradorligini yanada samarali tashkil etish yuzasidan Hisob palatasining tegishli tavsiyalari taqdim qilindi.