Bu yilgi mavzu – “Inqirozlarni boshqarish: muvaffaqiyatlar asosini yaratish”.

2025 yilgi tadbirlarda Osiyo-Tinch okeani mintaqasining moliyaviy va akademik doiralaridan 200 dan ziyod rivojlanish bo‘yicha xalqaro ekspertlar ishtirok etdi. Tadbirlarda O‘zbekiston Respublikasi Hisob palatasi sho‘'ba mudiri Sh. Mamatkulov ham qatnashdi.

Osiyo baholash haftaligi o‘zining 10-yillik tarixi davomida bilim va hamkorlikni rivojlantirish uchun dolzarb va samarali forum sifatida xizmat qilmoqda.  

2025-yilgi Osiyo baholash haftaligi doirasida ko‘plab dolzarb yo‘nalishlarda tematik sessiyalar bo‘lib o‘tdi: 

1) Inklyuzivlik; 

2) Texnologiya va innovasiyalar; 

3) Iqlim o‘zgarishi; 

4) Boshqaruv va mamlakatni baholash tizimlari; 

5) Xususiy sektorda baholashning roli.

Haftalikda ushbu sohalarda milliy salohiyatni oshirish bo‘yicha Osiyo hukumatlari va BMT agentliklari (Taraqqiyot dasturi, YuNISEF, BMT Aholishunoslik jamg‘armasi) vakillari tomonidan muhokamalar tashkil etildi.

Tadbirlar doirasida qarorlar qabul qilish samaradorligini oshirish bo‘yicha Iqtisodiy hamkorlik va taraqqiyot tashkiloti, Yevropa tiklanish va taraqqiyot banki Yevropa investisiya banki, Osiyo infratuzilma investisiya bankining moslashuvchan strategiyalari va innovasiyalari o‘rganildi.

Shu bilan birga, ishtirokchilar Xitoyning “yashashga yaroqli shaharlar” loyihalari samaradorligini boshqarish va baholash sohasidagi amaliy tajribasi bilan tanishdi.

2025-yilgi Osiyo baholash haftaligi ko‘plab xalqaro va milliy ekspertlarni birlashtirgan tajriba almashish platformasi sifatida o‘z ishini yakunladi.