Milliy davlatchiligimiz, o‘zligimiz va insoniy haq-huquqlarimizni tiklab bergan Mustaqillik ne'mati barcha tarixiy yutuq va marralarimizning zaminiga aylandi.

Bugungi kunda muhtaram Prezidentimiz boshchiligidagi keng qamrovli xalqchil islohotlar makoniga aylangan Yangi O‘zbekiston mintaqamiz va butun dunyoda o‘ziga xos ovozga ega suveren mamlakatdir. 

Mamlakatimizning xayrli tashabbuslari xalqaro hamjamiyat tomonidan keng quvvatlanayotgani barchamiz uchun quvonchlidir.

Bundan keyin ham davlatimiz Mustaqilligini asrab-avaylab, uning rivojiga munosab hissa qo‘shib yashash – biz uchun eng katta va sharafli mas'uliyatdir.

Aziz vatandoshlar!  

Bugungi bayram munosabati bilan Sizlarga mustahkam sog‘lik, oilaviy baxt, tinchlik-totuvlik, hamjihatlik va farovonlik tilab qolamiz. Vatanimiz ravnaqi yo‘lida amalga oshirayotgan ezgu ishlaringiz O‘zbekistonimizning qaddini va shon-shuhratini yuksaltirishga xizmat qilsin! 

Yuksak hurmat bilan,

O‘zbekiston Respublikasi Hisob palatasi