Taqdimotda Vazirlik xarajatlari, rivojlantirish dasturlari, investisiya loyihalari muhokama qilindi. Moliyaviy xato va kamchiliklar, noqonuniy xarajatlarni oldini olish va bartaraf etish bo‘yicha qilingan ishlar tinglandi. 

Ma'lum qilinishicha, Vazirlikda 33 ta shtat birligidan iborat Ichki audit departamenti tashkil qilindi. Shuningdek, Vazirlikda kollegial asosda Xavflarni boshqarish qo‘mitasi tashkil qilinib, qo‘mita tarkibi va Nizomi tasdiqlandi hamda ish faoliyati yo‘lga qo‘yildi. 

Moliyaviy risklarni tahlil qilish imkonini beruvchi “Situasion markaz” ham tashkil etildi. Uning ma'lumotlari Hisob palatasining “Masofaviy audit” axborot tizimiga integratsiya qilingan.

Hisobotda 2-yarim yillik uchun belgilangan vazifalar bayon qilindi. Jumladan, tibbiyot tizimidagi muassasalarda dori vositalari va ehtiyojlarni aniqlash bo‘yicha yagona elektron bazasini yaratish, dori vositalari va tibbiy buyumlarni to‘g‘ridan-to‘g‘ri ishlab chiqaruvchilar bilan shartnomalar tuzish, byurokratik to‘siqlarni kamaytirish yuzasidan chora tadbirlar qabul qilish rejalashtirilgan.

Hisob palatasi tomonidan Sog‘liqni saqlash vazirligi tizimida byudjet mablag‘larining maqsadli va samarali ishlatilishi ustidan monitoring va nazorat olib borish bo‘yicha tavsiya va ko‘rsatmalar berildi.