Ta'kidlanganidek, Hisob palatasining tashabbusi bilan va tegishli Qo‘shma qaror asosida Vazirlikda “Situasion markaz” tashkil etilgan. Uning ma'lumotlari Hisob palatasining “Masofaviy audit” axborot tizimiga integratsiya qilingan.

“Situasion markaz” orqali Vazirlikning “E-ijara”, “Geoaxborot”, “Agrosubsidiya”, “Agroplatforma”, “CropAgro” va “my.vetgov.uz” ATda tahlil ishlari yo‘lga qo‘yilgan.

Vazirlikda, shuningdek, kollegial asosda “Xavflarni boshqarish qo‘mitasi” tashkil etildi. Unda moliyaviy faoliyatga bog‘liq xavflar ro‘yxati tuzilib, reestr shakllantirildi. 

Uchrashuvda Vazirlikda raqamlashtirish sohasidagi islohotlar bo‘yicha ma'lumot berildi.

Hisobotda Ichki audit xizmati faoliyati sifatini baholash va oshirish bo‘yicha amalga oshirilgan ishlar haqida so‘z bordi.

Hisob palatasi tomonidan Qishloq xo‘jaligi vazirligi tizimida byudjet mablag‘larining maqsadli va samarali ishlatilishi ustidan monitoring va nazorat olib borish bo‘yicha tavsiya va ko‘rsatmalar berildi.