Shu bois, byudjet intizomini mustahkamlash maqsadida Kambag‘allikni qisqartirish va bandlik vazirligi va uning tizimiga kiruvchi tashkilotlarning byudjet mablag‘lari doirasidagi xarajatlarini amalga oshirish ustidan qat'iy va ta'sirchan nazoratni o‘rnatish belgilangan.

Hisob palatasining “Masofaviy markaz” AAT tomonidan Vazirlik ichki nazorat tuzilmalarida aniqlanayotgan xavflar bo‘yicha taxlillar doimiy tarzda taqdim etib borilmoqda.

Joriy yilning 4 iyul' kuni Hisob palatasi va Kambag‘allikni qisqartirish va bandlik vazirligi rahbariyati o‘rtasida muvofiqlashtiruvchi uchrashuv bo‘lib o‘tdi. Uchrashuvda Vazirlik tomonidan 2025 yil 1-yarim yillik va 2-yarim yillikda ko‘zlangan maqsadlar yuzasidan ma'lumot berildi.

Uchrashuvda “Ijro.gov.uz” elektron tizimiga kiritilgan topshiriqlar ijro holati muhokama qilindi. 

Hisob palatasining tashabbusi bilan, Vazirlik huzurida tashkil etilgan “Xavflarni boshqarish” qo‘mitasi tuzilib, uning asosiy vazifalari belgilandi.

Shu bilan birga, real vaqt rejimida 24 ta vazirlik va idoralarning axborot tizimlari integratsiya qilindi.

Hisob palatasi tomonidan Vazirlikning ichki audit xizmati rivojlantirish dasturlarining samaradorligini sifatli va haqqoniy baholab borish hamda natijalarining “Davlat auditi” dasturiga to‘liq kiritilishini ta'minlash aytildi. 

Uchrashuv yakunida xarajatlarni maqbullashtirish, ularni sohadagi boshqa zarur yo‘nalishlarga yo‘naltirish hamda tender o‘tkazish jarayonlarida qonuniy va shaffof o‘tkazilishini doimiy nazorat qilish masalalariga alohida e'tibor qaratildi.