Seminarda respublika va mahalliy ijro etuvchi hokimiyat organlarining 250 nafarga yaqin ichki audit, moliya-iqtisod, korrupsiyaga qarshi kurashish tuzilmalari rahbarlari hamda Xavflarni boshqarish qo‘mitasi a'zolari ishtirok etdi.

Seminarda Hisob palatasining mas'ul xodimlari xavflarni aniqlashda ushbu idoraning “Masofaviy nazorat” markazi axborot tizimlaridan foydalanish hamda ichki nazoratni samarali tashkil etish to‘g‘risida tushuntirishlar berdi.

Tadbir interaktiv muloqot formatida tashkil etildi.

Xavflarni boshqarish qo‘mitasi faoliyatini yo‘lga qo‘yish, shuningdek, xavflarni aniqlashda axborot texnologiyalaridan foydalanish hamda davlat organlari va tashkilotlarida ichki nazoratni tashkil etishga oid muammolar bo‘yicha tomonlarni qiziqtirgan savol va amaliy takliflar eshitildi.

Hisob palatasi hamda Iqtisodiyot va moliya vazirligi mas'ul xodimlari tomonidan mavjud muammolarning yechimlari yuzasidan tegishli tavsiya va ko‘rsatmalar berildi.