Unda Prezident Administratsiyasi mas’ullari, Hisob palatasi raisi o‘rinbosari Atabek Allaberganov, viloyat hokimining o‘rinbosarlari, tashkilot va boshqarma rahbarlari, shuningdek, hududiy studiyalardan shahar va tuman hokimlari, tegishli tashkilotlar vakillari ishtirok etdi.

Davlatimiz Rahbari raisligida 2024-yilning 3-dekabr kuni Farg‘ona viloyatini ijtimoiy-iqtisodiy rivojlantirish, investitsiya va tadbirkorlik muhitini yanada yaxshilash chora-tadbirlari yuzasidan yig‘ilish o‘tkazilgan edi. Unda viloyat iqtisodiyotini rivojlantirish bo‘yicha Prezident tomonidan aniq vazifalar belgilab berilgan.

Prezident Administratsiyasi va Hisob palatasidan iborat ishchi guruh tomonidan Farg‘ona viloyatida mazkur vazifa va topshiriqlar ijrosini to‘laqonli tashkil qilish maqsadida o‘rganishlar olib borildi.