Маълумот учун: Бирлашган Вена Институти минтақавий ўқув маркази бўлиб, Марказий, Шарқий ва Жануби-Шарқий Европа, Кавказ ва Марказий Осиё мамлакатлари бўйича давлат сектори ходимлари учун мўлжалланган. У 1992 йилда Австрия ҳукумати, Халқаро Валюта Жамғармаси ва бошқа бир қатор халқаро ташкилотлар томонидан ташкил этилган.

Вебинарда таъкидланганидек, рақамли пул воситаларининг пайдо бўлиши пулларнинг чиқарилиши ва сақланишини ўзгартирмоқда. Бу рақобат пул суверенитети ва сиёсати ҳамда молиявий барқарорлик учун фундаментал саволларни туғдиради. 

Тадбирда рақамли пул воситаларининг сақланиши, марказий банк рақамли валюталари, стейблкойнлар (криптовалюта), токенланган депозитлар ва рақамли пулларнинг турли хил пайдо бўлаётган шакллари макромолиявий нуқтаи назардан муҳокама қилинди. Вебинар Европа Марказий банки, Халқаро валюта жамғармаси ҳамда Қозоғистон Миллий банки вакиллари томонидан ўтказилди.

Тадбирда JVI минтақасидаги мамлакатлар учун рақамли пул сиёсатининг фойда, хавф ва оқибатлари кўриб чиқилди. Экспертлар томонидан минтақадаги fintech (молиявий технологиялар) етакчи бўлган иқтисодиёт ўзининг рақамли активлар стратегиясини қандай ривожлантираётгани мисол тариқасида кўриб чиқилди.

Европа Марказий банки ва Халқаро валюта жамғармаси вакиллари JVI минтақаси ва ундан ташқаридаги иқтисодиётлар учун бевосита аҳамиятга эга бўлган тушунча ва хулосалар билан ўртоқлашди.