Давлат байроғимиз – халқимизнинг эрки, мустақиллиги, миллий ўзлигимиз ва буюк мақсадларимиз тимсолидир. 

Ундаги ранглар ҳамда рамзлар аждодларимизнинг бебаҳо меросини, бугунги бунёдкорлик йўлимизни ва келажак авлодларга бўлган ишончимизни мужассам этади. 

Ҳар бир ватандошимиз қалбида фахр-ифтихор уйғотадиган бу муқаддас тимсол бизни юксак бирликка, юрт равнақи йўлида масъулият билан хизмат қилишга чорлайди.

Ҳисоб палатаси жамоаси ҳам қатъий масъулият ва фидойилик билан давлат буджети ва давлат ресурсларидан оқилона фойдаланишни таъминлаш, иқтисодиётимиз барқарорлиги ҳамда халқ фаровонлигини ошириш йўлида хизмат қилишни давом эттирмоқда.

Ушбу қутлуғ кунда барчангизга сиҳат-саломатлик, тинчлик ва хонадонларингизга файзу барака тилаймиз. 

Давлат байроғимиз доимо баландларда ҳилпираб, Ватанимиз равнақи йўлидаги эзгу ишларимизга мададкор бўлсин!

Байрам муборак, азиз юртдошлар!

Ҳурмат билан,

Ўзбекистон Республикаси Ҳисоб палатаси