Республика бўйича 2023-2025 йилларда 4,5 млн та автотранспорт воситалари техник кўрикдан ўтказилган, қайта жиҳозланган автотранспорт воситалари сони 937,3 мингтани ташкил этган.

Соҳада кўрсатилган хизматлар рақамлаштириш ҳамда ваколатли идоралар ўртасида электрон маълумот алмашинуви йўлга қўйилишида тизимли камчиликлар мавжудлиги таҳлил қилинди. Жумладан:

– ЙҲХХ ахборот тизими ва солиқ идоралари маълумотлар базалари ўзаро интеграция қилинмагани сабабли соҳада хизматлар ҳисоби тўлақонли йўлга қўйилмаган;

– техник кўрик ўтказиш ҳуқуқини берувчи малака гувоҳномаларининг амал қилиш муддатига риоя этилиши рақамлашмаган;

– республика бўйича 65 та туман (шаҳар)да техник кўрикдан ўтказиш пунктлари ташкил этилмаган.

Ўрганиш натижасида:

-аниқланган камчиликларни бартараф этиш;

-соҳада фаолият юритувчи субъектларнинг ҳисобини юритиш;

-хизмат кўрсатишдан тушган нақд пул маблағларининг банкдан ташқари айланмасини қисқартириш;

-солиқ тушумларининг тўлиқлигини таъминлашга қаратилган чора-тадбирларни белгилаш юзасидан Ўзбекистон Республикаси Ички ишлар вазирлиги ҳамда Солиқ қўмитасига кўрсатма юборилди.

Шунингдек, фаолиятни такомиллаштириш ва келгусида бюджетга тушумларни ошириш юзасидан тавсиялар берилди:

Ҳусусан, мажбурий техник кўрикда носоз деб топилган автотранспорт воситаларида аниқланган носозликларни бартараф этиш ва қайта техник кўрикдан ўтиш муддатларини белгилаш;

– ЙҲХХ ахборот тизимида техник жиҳатдан малакаланган субъектлар тўғрисидаги маълумотлар алмашинувини йўлга қўйиш;

– техник кўрик ва транспорт воситаларини қайта жиҳозлашга оид кўрсатилган давлат хизматлари маълумотларини солиқ идоралари ахборот тизимига интеграция қилиш;

– техник кўрикдан ўтказиш марказлари мавжуд бўлмаган ҳудудларда ташаббускор тадбиркорлик субъектларини жалб этиш орқали техник кўрикдан ўтказиш пунктларини ташкил этиш;

– техник кўрикдан ўтказиш ва қайта жиҳозлаш фаолиятини амалга ошираётган тадбиркорлик субъектларининг солиқ мажбуриятлари бўйича автокамерал тизими орқали назорат механизмларини жорий қилиш шулар жумласидандир.