Унда Бош прокуратура, Инсон ҳуқуқлари бўйича Ўзбекистон Республикаси Миллий маркази, Олий суд, Коррупцияга қарши курашиш агентлиги ҳамда Ҳисоб палатаси раҳбарияти иштирок этмоқда.

Тадбирда, шунингдек, Россия Федерацияси прокуратураси университети, Туркия адлия академияси, Қирғизистон Республикаси Юридик академиясининг вакиллари ва бошқалар қатнашмоқда. 

Конференция доирасида ҳуқуқни муҳофаза қилиш фаолиятида фан ва таълимнинг долзарб масалалари, кибержиноятчиликка қарши курашиш, коррупция ва жиноий даромадларни легаллаштириш ва терроризмни молиялаштиришга қарши курашиш мавзуларига бағишланган параллел сессиялар бўлиб ўтди.

Ҳисоб палатаси раиси ўринбосари А. Аллаберганов ушбу идорада олиб борилаётган ишлар ҳақида маълумот берди. Ҳисоб палатасида рақамлаштириш ва риск таҳлили бўйича “Big Data” технологиялари асосида катта ҳажмдаги маълумотларни таҳлил қилувчи Масофавий назорат маркази ташкил этилгани таъкидланди.

Натижада Ҳисоб палатасида ахборот тизимлари орқали қонунга зид бўлган давлат харидлари буюртмалари ва тўловларини реал вақт режимида назорат қилиш модуллари ишга туширилгани айтилди.

Шу билан бир қаторда, Давлат Раҳбарининг топшириқларига асосан Ҳисоб палатасида сунъий интеллект технологияларини жорий этиш бўйича ишлар бошланганига урғу берилди.

Соҳада амалга оширилаётган ислоҳотлар доирасида Ҳисоб палатаси ҳозирда Бош прокуратура ва Коррупцияга қарши курашиш агентлиги билан самарали ҳамкорлик олиб бормоқда.

Тадбир доирасида коррупцияга қарши ички назоратни самарали йўлга қўйиш, қонунчиликка риоя этилишини таъминлаш ва тадқиқот фаолиятини кучайтириш мақсадида Ҳисоб палатаси ва Ҳуқуқни муҳофаза қилиш академияси ўртасида меморандум имзоланди.